【香港人的創業故事】高質一條龍精品企業採購 Kings 創業 5年由1000萬做到7000萬

商業熱話

「隨著越嚟越多企業成熟,佢哋更加需要度身訂製產品。」一站式企業採購公司King’s創業未夠五年,憑著把握不同機遇,成功取得多間大型企業的訂單,平均每年生意有50-60%增長,短短數年由1000萬做到7000萬生意額。

King’s 由總經理尤金港(Sean)於2015年創立,公司最初為企業訂製袋類精品起家,但明白到產品類別單一不能滿足市場多變的需求,便陸續開放其他企業採購,變更公司產品和服務組合,從而更貼合市場。Sean表示,如企業客戶只有基本構思和預算,他們會提供一條龍服務,由設計、生產、送貨到宣傳都能為企業客戶度身訂做。

為配合市場需求,King’s開拓智能技術,利用現有資源建立智能訂製平台,以數碼形式配對客戶及廠商。除了接單更方便,公司同時會開設智能網上滙款平台,為客戶及廠商提供業務滙款渠道,做生意更方便。Sean指:「因為冇任何企業唔使採購,但係如果將呢樣嘢做到一個極致,可以係一個專業版嘅阿里巴巴。」

你可能感興趣

loading