【富豪記招】大劉親解The One命名之謎「係我個仔劉鳴煒改，我本人未諗過」

香港富商劉鑾雄（大劉）今日召開記者會，除了回應與呂麗君的關係之外，亦一次過回應多個城中傳聞，包括華置集團旗下的尖沙咀The One並非甚麼「一生中最愛」，解釋是由其子劉鳴煒所命名，意指跟昔日緋聞女友李嘉欣毫無關係。

大劉說：「譬如有啲人，我講一個笑話，我哋尖沙咀座大廈叫The One，嗰個名，係我個仔劉鳴煒改嘅，我本人呀，你聽清楚就知，我本人呀，喺任何思想、任何環境之下，都未曾諗過一個名叫The One。」

事緣名嘴蕭若元在其YouTube頻道上曾直指李嘉欣是大劉的「一生中最愛」，追溯回2006年，有「神秘人」賀李嘉欣生日以報紙頭版刊登了「Happy Birthday Michele 20.06.2006」，下款寫有「With Love, The One」，雖然當年李嘉欣正熱戀現任丈夫許晉亨，卻爆出廣告是由大劉刊登，被解讀The One是代表唯一最愛，還流傳尖沙咀的The One之名是為李嘉欣而改。

對此，大劉自言好肯幫人，他稱：「有啲人想去搵老襯，成個廣告板隊埋嚟，叫我搵秘書去登廣告，我都會照幫手嘅。」（記者：當年個廣告係咁樣發生嘅？）大劉續稱：「咁樣仲聽唔明？我都話我本人從來都無諗過個字叫The One，工作上同私人都無諗過。」（記者：蕭若元話The One係你一生中最愛？）大劉：「超，咁我依家講咗你明唔明白呀？個稿係人哋交嚟叫我秘書去登，就借我秘書去呃個老襯囉。」又自言自己英文好水皮，個稿是有人交來再叫秘書去登。

大劉又續指乜人都有，更激動地說：「仲有啲，你聽見，真係唔好爆出去，或者唔好點大做文章，結咗婚兩三年，一年都同我攞幾個鱷魚皮又鑽石嘅手袋啦！」大劉又稱：「千祈唔好以為我畀個手袋，大家出嚟執番劑，涼茶就可能有……我諗我依家肯去執，排到去黑龍江呀！」之後補充指是講笑。

大劉又坦言：「我谷咗氣好耐，唔係谷你哋，或者谷邊個，啲冤屈氣喺個心擺咗30幾年。」（記者：今日會唔會舒服啲？）大劉：「唔會！不過最緊要係澄清，唔想畀人再造謠造非，包括女人好或者蕭才子好，話我躁狂症，又話我最愛就係李嘉欣，The One...唉！」今日大劉終於在記招上解開多年謎團。