【職場攻略】大學必做五件事？做齊即有月入5萬投行靚Offer

 好多同學仔都入到大專/大學，都聽過大學5件事，我想講一講作為畢業10年，大學畢業有多個工作錄取 (job offer)，又經歷過大學五件事，分享一些懶人必須知的秘密。 

第一，讀書 

我好感恩，我第一年讀書時，有師兄同我講記住一定第一個學期(sem)要俾心機讀書，因為之後成績只會越嚟越差，因為好難越嚟越高分，因為你學的知識會難好多，所以我同好多人不同，第一個學期我好認真讀書-，我知我身邊好多我舊生，覺得已經入到大學，想放鬆一個學期。我好記得當時我上咗一個公共行政
(public admin) 的course，跟住考試嘅時候我真係當通識卷咁加左5頁紙，雖然first SEM 功課 (essay/coursework) 拎Grade C ，但係我都放GPA時候攞到Grade A，係因為我考試攞到A + 98分 (100分滿分) 

所以我只想提大家，讀書第一年好重要，因為你一考得差，之後三年是好難追得返。急救的大學讀書方法: 可以試找一些Test Bank (Textbooks)，不少大學教授都會參考這些Test Banks可以幫大家溫習 (大約$500 1本) 。

而至於讀書可以幫到你實現其他所有嘢，包括你之後海外留學，實習，獎學金，基本上所有嘢甚至搵工都係睇成績。但係我好想強調，不要將100%的時間用於讀書，因為大學最珍貴的是其所帶來的所有機會，我覺得通常有兩種成功的方程式，第一種就是一級榮譽畢業，做到最好 (GPA 4.0)，但係其他方面都冇時間兼顧 

另一種就係成績中上， GPA 3.3以上，但係有好豐富工作經驗及課外活動，我會好建議我的學生同朋友仔選擇後者，因為這些經歷，是一生人難忘，好似我有幸可以去太古
(Swire) 做 nternship，同埋摩根大通 (JP Morgan)做實習，這些經驗都是一生人得1次 。

第二，上莊 

我係好建議第一年不要上莊。

如果我可以重新揀一次，因為雖然真是可以識到朋友，或者令到你眼界大開，我會建議你可以選擇第二個學期先上莊，因為第一個學期你先適應大學的考試制度，整個模式又或者你第二年先選擇上莊，你先確認你是否可以兼顧到讀書先，因為第一學期你就參加太多課外活動。但其實成個考試模式都不一樣，不像中學可以靠死做爛做，甚至有好多學科都是全新，例如你讀法律/心理學，你以前從來都冇接觸過，對你來講都係一種壓力，甚至乎你要寫論文，我都用咗兩年時間先至知道大學論文
(essay)的技巧，如何取高分如何全部拎A。 

第三，宿舍 

我覺得這個很難一概而論，因為每一間大學都不一樣，我覺得好視乎你屋企同大學的距離，同你想不想體驗一下同同學一齊住的經歷。但是我都建議第二個學期 Sem2 先參加，因為只是讀書其實大學你已經好多嘢都未適應，例如大學有分教授lectures 講座，同埋到tutorial ，我第一年都分唔清楚，以為兩樣都好重要，但是我之後識得分，平時交論文功課不少課程都是導師tutors 幫你改，即是你只要討好tutorial的tutor就得了。 

上面的分享都是: 你要試過一個學期才找到對自己舒服的讀書方法，例如你是否一定要坐聽教授讀一次簡報。所以我覺得住宿舍與否，可以在第二個學期先開始下決定。 

4.拍拖 

這個就要隨緣，好多大學生成日都會因為好自卑，我又覺得不需要強迫自己，就算大學真的拍不到拖，你出來工作有大把機會你認識另一半，或者你大學之後有好多社交生活。但你不要為拍拖而拍拖，我見過好多學生大學時浪費大量時間，參加不同活動如果真係遇到合適的我覺得當然非常好 

至於大家會覺得拍拖會不會影響讀書，我覺得大家都是成年人，不是中學生，只要識得分配時間，都經歷過公開試，拍拖根本不會影響學業，當然要睇你自己本身時間控制同埋你嘅拍拖對象會不會認真讀書。我識有朋友 拍拖 一齊讀law 一齊first hon, 我亦有見過識人跟住 一齊GPA 考得好差 (不能過3)

5. 返工 

我會將返工分為兩個部份，總結大學四年生活，第一種係搵生活費，最快搵生活費一定係做私補一對一，但是這種工作經驗價值是等於零 

基本上沒有一間大公司會承認私人補習
(private tutoring) 是一種工作經驗，你只不過將你中學以後的知識賣給學生家長，所以我不建議學生補習，大約2份私人補習比你用作生活費 (當然要盡力教好學生)。反而第二個部份爭取機會做更多實習工作，因為這個才是你累積財富的最重要的方法，因為長線投資，累積更多大公司的工作經驗 

Year 1 - start-up 公司 / family office - hedge fund - 因為基本上每一間公司係會上訴第一年讀書的學生你是冇機會返到任何一間公司 

Year 2 - 本地銀行，例如恒生銀行，大新銀行，都會開始招聘 

Year 3 - 這一年就很關鍵，無論返學時間定係放假時間你都要極力爭取返好多公司不同的實習，因為除了可能公司會比一個錄取 (return offer)，你最後一年就不用辛苦搵工，同埋基本上你之後搵工都係靠實習經驗，返工亦非常重要。 

包括讀書其他課外活動，最極端的例子，就算你返過Uniqlo，這個工作經驗比起上面四項都更重要，即使你讀書畢業，但是零工作經驗但我都幾肯定無大公司會願意聘請你。

作者：Spencer Lam

港大一級榮譽畢業，在學期間獲11份獎學金，曾赴英國留學交流。曾任國際銀行MT，2019年放棄銀行工作，全身投入教育科技，英語教育及職埸面試，歷年來教授過萬名學生，獲香港青年協會邀請擔任2020-2022 DSE工作坊講者。

Facebook 專頁：Spencer Lam English Team
https://spencerlam.hk/