【BD辦公室熱話】老細好想捧紅個仔做KOL,鬧同事「你未like 喎,做咩收工呀?」(讀者投稿)

商業熱話
【BD辦公室熱話】老細好想捧紅個仔做KOL,鬧同事「你未like 喎,做咩收工呀?」(讀者投稿)

以下為讀者投稿,言論不代表Business Digest平台立場

嗱,個老細係個40歲女人,30到炆先結婚拿拿臨趁收經前咇左個仔出嚟。咁其實佢個仔呢,就冇乜特別,但唔知點解佢覺得佢個仔好有明星相,咁想捧自己個仔做KOL。其實都冇嘢,個個家長都覺得自己小朋友係完美嘅,但好心你就唔好迫人都係咁覺得啦。

但佢最近呢,就開姑嚟料:係咁迫同事Like佢個仔個page、佢啲post、佢畫畫啲片、對住鏡頭扮cute啲片⋯⋯冇like?仲要唔比收工!喂但講真吖,其實啲相冇乜咁特別,個仔仲偏醜樣,又唔係識咩才藝,咁做咩要無啦啦like你呀?like唔落手喎。好衰唔衰,有日有個同事比佢睇到未like,老細竟然走埋佢度笑笑口話:「你未like 喎,做咩收工呀?」 佢個仔個page雖然有幾千個fans,但個個post都係得啲同事like,個個都懷疑佢啲fans係咪買翻嚟。 

試過有一次,又有同事冇like到,比老細發現咗, 然之後比老細cap圖,公開喺個group tag佢。又有啲人,頭一次都like,之後幾次懶理,之後老細都吹佢唔脹,但之後好似有少少針對佢喇。 佢又好鍾意R著數嘅,有次個仔唔知咩畫畫比賽輸咗,就無啦啦打去投訴「點解我個仔冇獎呀?畫得好過個冠軍好多喎」結果成間公司都聽佢X咗半個鐘。 有一日,佢個仔唔知參加啲咩小朋友KOL比賽,要影啲相嘅,明明公司啲人都忙X到嘔,但就set哂燈,set哂機,要啲photo幫佢影輯相,搞到啲客嘅嘢遲左,比客X,又比老細X。我真係X出聲喇!

阿萍讀者投稿
如果你都有辦公室花生想大大聲話俾世人知,歡迎email/inbox我哋投稿!

你可能感興趣

Facebook.png
IG.png